المساعد الشخصي الرقمي

مشاهدة النسخة كاملة : العيب الكبير

khadir
24-09-2004, 09:08 AM
[

]

العيب الكبير


طفلة صغيره ..ومن الصغر
..علموهــا ثلاث عيوب
بوجه الغريب ..لاتضحكين
وسوي .. ولا تســأليــن
!!..وأهمها .. حذاري تحبين

ومر الزمن .. والطفلة
كبرت .. وهالعيوب كبرت..
!!..إحفظتها بقلبها ..إفهمتها بعقلها
!!...إلا الأخـــير .. وآآه من الأخيــر

حاولت تفهمــه .. ماقدرت
!..حاولت تجنبــه .. ماصبرت
واخيراً قررت
تنسى ذاك العيب الكبير
..تنسى ذاك الهم الكبير

-----

ومرت الأيام .. والوقت الطويل
ومرها طيفٍ من بعيـــد
سكن في قلبها ..ضحك في وجها
حســت بقلبها .. يرجف
وبعينهــا .. تدمــع
ودهــا إنه منها قريب .. ودها
....مايبعد عنهـــا
مســكينه حبت .. ولا حســت
وسوت أكبر ..هالعيــــوب

-----

راحت لأمهــا .. تشكي
تحــكي .. وتحكــي
مثل ماتعودت من يومهــا ..طفلة
أمها بكت وقالت : بنتـي تحب
!!..أبوها سكت وقال : لايدري أحد

أبعدوها عن الناس
خافوا تقول ذاك الإحساس
وصارت تسامر ..النجمه
وتحسب ..للقدر "حكمه"
تفكر في فارس الأحلام
وتبني ذيــك الأمال

-----

ماطولت في حلمها
جاها ولد عمـــها
يبيهــا ..يبي قربهــا
وافق أبوها .. وافقت أمها
قالوا : مافيه إلا ولد عمها
يبعد العيب عنا .. وعنها

وهي .. للحين ترسم
محدٍ أخذ رايها .. ولا احدٍ شاورها
بكت قالت : لا .. محدٍ سمعها

وجا ذاك اليوم إلي يسمونه زفاف
وهو بعيونه .. يوم الممات
وإجتمعوا الأحباب .. والأصحاب
محدٍ درى عن قلبها .. عن همها
محدٍ عرف وش نيتــها

-----

قالوا : الفرحه
وكلٍ هتــف
قالوا : الزفه
وكلٍ وقــف
بس للأســف
هي ماحضرت
هي ارحلــت
خذت ذنبها .. وذنب
أهلهــا .. وإرحلت ..
خذت عيبها الكبير
!..وإرحلــــت

حتــى ذاك الطيــف البعيد
إتركته .. وإرحلت



khadir
Al3aNeD
18-10-2004, 09:56 PM
الصراحه ماادري شقوولج
العيـب الكبيـرررر...
تسـلم على القصييده
:)
صمت الوداع
12-01-2005, 08:02 PM
طفله وعلموها ان الحب عيب
طفله كانت بالامس واليوم اكبرت
حذرووووها من نار الحب
وفجأه حبت
وراحت تشتكي وتحكي لامها
مثل ماتعودت وهي طفله
بكت الام وصاح الاب
قتلوا حبها العذري
دمروا احلامها البريئه
وسلموها لغيره
وقررت ان موتها احق من غيره
ظلموا قلبها البريء
وحكموا عليها بالعذاب
وماتت الطفله ودفنت معها اصدق احساس
**********************************
يسلموا ياغاليه على كلامك الرائع
واسمحي لي بالتطفل والرد عليكي
يوسف
22-01-2005, 12:52 PM
ماشالله تبارك الله

صح لسانك

لاهنت يابعدي
الصعبه
29-01-2005, 04:22 AM
تسلمين اختي هدير على الخاطره الروووعه
مملوؤه بالمشاعر الحزينه المقتطفه من الواقع العام
يعطيج الف الف عافيه

وصح لسانج

ونشالله نقرىالمزيد من ابداعاتج
DEMMERA
08-05-2005, 09:01 AM
ثاااااااااااااااااااااانكس على المشاركه
المعنى
11-08-2005, 09:34 PM
تسلمين هدير على الخاطره الاكثر من رائعه

قتلوها وقتلوا حبها وما سالوا عنها

ارادوا ان يدفنوا العيب الكبير بنظرهم

وما دروا ان هذا العيب هو سر الحياه

ومنعه يعني منع الهواء وما علموا

الا بعد ان رحلت بقلبها وبحبها

لم تقدر ان تستسلم لهذا النصيب المحتوم

فضلت ان ترحل وقلبها مليء بذاك العيب

لا ينزعه احد مهما فعلوا

دمتي بكل الود