Al3aNeD
21-05-2005, 09:28 PM
تخيل انك صرت مثل البنت .. مع العلم ان شواربك يمشي عليه التيس
نياهاهاهاها
خلونا نقرأ شنو صار لما تخيلنا هاشي
( !!!! والله فشله )
تتفاجأ في يوم وأنت قاعد تقرا كتاب رومانسي و مشغل اغنية حلوه وتفكر بصاحبه في
حبيبة مجهولة , الا و أمك داخلة عليك و توها جاية من عرس و تقولك: يا ولدي ودي أكلمك
في موضوع.
ترد أنت بكل خوف : خير يمه؟
تقول أمك: ترى جارتنا أم خالد تبي تخبطك لبنتها. وأنت ماشاءلله كبرت و احلويت والكل
يبيك. ها وشنو رأيك؟
عاد تنزل أنت راسك في الأرض و تلعب بأصبعك في شعرك (أو شواربك) و ترد و أنت
مستحي و خدودك حمرة (هذا إذا كنت محلق اللحية) و تقول: ....
الشور شورك يا يمه إهئ إهئ
تقول أمك: إنا بصراحة ما أشوف في البنت شي. ماشاءلله عليها محترمة و وظيفتها زينه و
راتبها ممتاز و من عايلة محترمة و من البيت للمسجد و من المسجد للبيت . ولا عندها سوالف
السفر و الخربطة و ما تشرب خمر و لا تروح لاستراحات البنات. ولا دخااااان يعني بنت ما
عليها.
تقول أنت : بس يا يمه هي ما شافتني من أول. إنا دايما متلطم بشما غي (والله عيب بس بكمل)
تقول أمك: هي شافتك و أنت نازل من باص المدرسة بس و سألت عنك و قالو لها ولد سنع
وتكانه مو راعي أسواق ولا مارينا مول ولا سوق شرق و ما يطلع الا مع ابوه. (والله فشلة بس بكمل)
و تراها هي و امها جايين يوم الخميس علشان يشوفونك.
تسال أنت: طيب يا يمه أبوي شنو رايه؟
تقول أمك: أبوك ما يدري خليه حايس في المطبخ نشوف شنو يعشينا.
تقول أنت :اللي تشوفينه يمه.
وتطلع أمك من الغرفة
وتنط أنت قدام المراية و تأخذ نص لفة يمين و نص لفة شمال تشوف جسمك و تمشط شعرك و
شواربك بدلع و تقول : آه أخيرا حست و خطبتني. ( لا لا لا والله ما يصير بس بكمل)
و قبل يوم الخميس تروح أنت لكوافير رجالي و تكون مسوي حجز و تقعد و تصبغ شعرك
(ميش) و تحف حواجبك و تشيل شعرا يدك و رجلك بحلاوة و تطلع نفس القمر
وتجي البيت و تلبس الثوب اللي فصلته عند المصمم( عبد الصمد الباكستاني) لثياب الأعراس و
الحفلات واللي فيه فتحة سقف قصدي فتحه من عند رجولك و فتحه في الظهر و بدون أكمام
(جبانيز) و ذاك الماكياج وذاك العطر و تنزل للصالة
ويقولك أبوك : يالله دخل العصير على خطيبتك ترى أمك ذبحتنا تسال عنك
تقول أنت بكل خجل: وأي وأي يا يبه انا استحي
أبوك يقولك وهو يطق على كتفك و يضحك يا ولد روح لعروسك إهئ إهئ
تقول أنت: يا يبه دايما تحرجني أنت وأي وآي
و تاخذ صينية العصير و دش الصاله اللي فيه البنت و تقول بصوت ناعم: احم احم سسسلام
عليكم......
ترد هي بعد ما وقفت و عليكم السلام ( و هي اطالع فيك فيك و في كل قطعة فيك)
و تقولها تفضلي
تقول هي:شنو أحلى العصير الأحمر و لا الاصفر؟ واهي تبي تلطف الجو معاك
تقول أنت: كله حلو
تقول هي: أكيد كله حلو لأنك أنت اللي مسويه
بعدها تحط الصينية بسرعة و ايدك على حلجك و تضحك و تروح داخل بسرعة
الا إخوانك ينطرونك و يقولون: ها شلون شكلها
تقول أنت: وآي وآي تهبل تهبل حلوة و دمها خفيف و ذوق اهههههه
الا أبوك من المطبخ يلولش لوول (يزغرط بالمصري) لللللللوووولللللوووووشششششششش
مبروك يا ولدي
الا بدخلة أختك مصبنجيه راعيه جياتي من بره و حاطه عبايتها على كتفها و معلقة السيجارة
بحلجها و تقول : خير شنو فيه
يقوله أبوك : قصري صوتج في وحده داخل خطبت أخوك
تقول أختك: وهي وين شافت اخوي علشان تحطبه هاه؟؟؟؟ و تعطيك كف و تصرخ والله
لألعن امها اللي جايه تخطب اخوي
الا بدخلة أمك و تسطر أختك كف و تطلع أختك بالسيارة و تفحط و تروح شارع الاصفر حق
التقحيص بالجهراء الي يتجمعون في البنات .
و تمر الأيام و أنت تجهز ثوب العرس و الكوشة و بيت الزوجية و خلال الفترة تمرك زوجتك
بالسيارة تتمشون وتروحون السالميه وتوقفون عند كوفي تايم وتطلب موكا بالكليجا قصدي
بالشوكلاته بكل حيا و تحاول أنها تمسك أيدك و أنت مستحي ( ومن هناك ودك و بتموت) و
شوي تحاول تبوسك و أنت تقول لا لا عيب احد يشوفنا( يعني لو ماحد يشوفنا ترى عادي)
و يجي يوم العرس و تقعد أنت في الكوشة و كل الشباب حوا عندك يرقصون و يغنون على
أنغام وأحلام وصيته والعنود قصدي على أنغام طيران فرقة الشاطئ للرجال و طبعا مافيه
زبيدة أو صيته أو العنود و سارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلثم
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و
ترفع الطرحة (طرحة البسام بصمة خمسة) ههههههههه و تقولك: الله صاير مثل القمر
عاد تلف وجهك وأنت مستحي
و يتم الزواج و بعد تسعة شهور الا أنت تصرخ في الليل فيك الطلق
و يودونك المستشفى و تولد و تجيب توأم
وتطلع من المستشفى الى بيت اهلك علشان ينفسك أبوك ( النفاس 40 يوم)
و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله
يساعدك
و ترجع لبيتك تربي عيالك و تطبخ الغدا لزوجتك
وتتخانقون ساعات و تنام و دمعتك على شاربك تقطر أربع طعش سبع طعش ونص هههههههههههه
ويزيد حدة الخلاف و تاخذ شماغك و عيالك و تروح لبيت اهلك
و تصلح أمك ما بينكم و ترجع الحياة مثل أول.
لا لا لا لا لا لا لا لا لا لا وألف مليون لا
انا انتحر احسن لي
ماني قادر اكمل
هل يا شباب تخيلتوا في يوم إنكم تقولون : واي واي يهبل
انا رايح انتحر احسن لي
بس المشكلة أخاف أموت :p
منقوول تحيااتوو
نياهاهاهاها
خلونا نقرأ شنو صار لما تخيلنا هاشي
( !!!! والله فشله )
تتفاجأ في يوم وأنت قاعد تقرا كتاب رومانسي و مشغل اغنية حلوه وتفكر بصاحبه في
حبيبة مجهولة , الا و أمك داخلة عليك و توها جاية من عرس و تقولك: يا ولدي ودي أكلمك
في موضوع.
ترد أنت بكل خوف : خير يمه؟
تقول أمك: ترى جارتنا أم خالد تبي تخبطك لبنتها. وأنت ماشاءلله كبرت و احلويت والكل
يبيك. ها وشنو رأيك؟
عاد تنزل أنت راسك في الأرض و تلعب بأصبعك في شعرك (أو شواربك) و ترد و أنت
مستحي و خدودك حمرة (هذا إذا كنت محلق اللحية) و تقول: ....
الشور شورك يا يمه إهئ إهئ
تقول أمك: إنا بصراحة ما أشوف في البنت شي. ماشاءلله عليها محترمة و وظيفتها زينه و
راتبها ممتاز و من عايلة محترمة و من البيت للمسجد و من المسجد للبيت . ولا عندها سوالف
السفر و الخربطة و ما تشرب خمر و لا تروح لاستراحات البنات. ولا دخااااان يعني بنت ما
عليها.
تقول أنت : بس يا يمه هي ما شافتني من أول. إنا دايما متلطم بشما غي (والله عيب بس بكمل)
تقول أمك: هي شافتك و أنت نازل من باص المدرسة بس و سألت عنك و قالو لها ولد سنع
وتكانه مو راعي أسواق ولا مارينا مول ولا سوق شرق و ما يطلع الا مع ابوه. (والله فشلة بس بكمل)
و تراها هي و امها جايين يوم الخميس علشان يشوفونك.
تسال أنت: طيب يا يمه أبوي شنو رايه؟
تقول أمك: أبوك ما يدري خليه حايس في المطبخ نشوف شنو يعشينا.
تقول أنت :اللي تشوفينه يمه.
وتطلع أمك من الغرفة
وتنط أنت قدام المراية و تأخذ نص لفة يمين و نص لفة شمال تشوف جسمك و تمشط شعرك و
شواربك بدلع و تقول : آه أخيرا حست و خطبتني. ( لا لا لا والله ما يصير بس بكمل)
و قبل يوم الخميس تروح أنت لكوافير رجالي و تكون مسوي حجز و تقعد و تصبغ شعرك
(ميش) و تحف حواجبك و تشيل شعرا يدك و رجلك بحلاوة و تطلع نفس القمر
وتجي البيت و تلبس الثوب اللي فصلته عند المصمم( عبد الصمد الباكستاني) لثياب الأعراس و
الحفلات واللي فيه فتحة سقف قصدي فتحه من عند رجولك و فتحه في الظهر و بدون أكمام
(جبانيز) و ذاك الماكياج وذاك العطر و تنزل للصالة
ويقولك أبوك : يالله دخل العصير على خطيبتك ترى أمك ذبحتنا تسال عنك
تقول أنت بكل خجل: وأي وأي يا يبه انا استحي
أبوك يقولك وهو يطق على كتفك و يضحك يا ولد روح لعروسك إهئ إهئ
تقول أنت: يا يبه دايما تحرجني أنت وأي وآي
و تاخذ صينية العصير و دش الصاله اللي فيه البنت و تقول بصوت ناعم: احم احم سسسلام
عليكم......
ترد هي بعد ما وقفت و عليكم السلام ( و هي اطالع فيك فيك و في كل قطعة فيك)
و تقولها تفضلي
تقول هي:شنو أحلى العصير الأحمر و لا الاصفر؟ واهي تبي تلطف الجو معاك
تقول أنت: كله حلو
تقول هي: أكيد كله حلو لأنك أنت اللي مسويه
بعدها تحط الصينية بسرعة و ايدك على حلجك و تضحك و تروح داخل بسرعة
الا إخوانك ينطرونك و يقولون: ها شلون شكلها
تقول أنت: وآي وآي تهبل تهبل حلوة و دمها خفيف و ذوق اهههههه
الا أبوك من المطبخ يلولش لوول (يزغرط بالمصري) لللللللوووولللللوووووشششششششش
مبروك يا ولدي
الا بدخلة أختك مصبنجيه راعيه جياتي من بره و حاطه عبايتها على كتفها و معلقة السيجارة
بحلجها و تقول : خير شنو فيه
يقوله أبوك : قصري صوتج في وحده داخل خطبت أخوك
تقول أختك: وهي وين شافت اخوي علشان تحطبه هاه؟؟؟؟ و تعطيك كف و تصرخ والله
لألعن امها اللي جايه تخطب اخوي
الا بدخلة أمك و تسطر أختك كف و تطلع أختك بالسيارة و تفحط و تروح شارع الاصفر حق
التقحيص بالجهراء الي يتجمعون في البنات .
و تمر الأيام و أنت تجهز ثوب العرس و الكوشة و بيت الزوجية و خلال الفترة تمرك زوجتك
بالسيارة تتمشون وتروحون السالميه وتوقفون عند كوفي تايم وتطلب موكا بالكليجا قصدي
بالشوكلاته بكل حيا و تحاول أنها تمسك أيدك و أنت مستحي ( ومن هناك ودك و بتموت) و
شوي تحاول تبوسك و أنت تقول لا لا عيب احد يشوفنا( يعني لو ماحد يشوفنا ترى عادي)
و يجي يوم العرس و تقعد أنت في الكوشة و كل الشباب حوا عندك يرقصون و يغنون على
أنغام وأحلام وصيته والعنود قصدي على أنغام طيران فرقة الشاطئ للرجال و طبعا مافيه
زبيدة أو صيته أو العنود و سارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلثم
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و
ترفع الطرحة (طرحة البسام بصمة خمسة) ههههههههه و تقولك: الله صاير مثل القمر
عاد تلف وجهك وأنت مستحي
و يتم الزواج و بعد تسعة شهور الا أنت تصرخ في الليل فيك الطلق
و يودونك المستشفى و تولد و تجيب توأم
وتطلع من المستشفى الى بيت اهلك علشان ينفسك أبوك ( النفاس 40 يوم)
و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله
يساعدك
و ترجع لبيتك تربي عيالك و تطبخ الغدا لزوجتك
وتتخانقون ساعات و تنام و دمعتك على شاربك تقطر أربع طعش سبع طعش ونص هههههههههههه
ويزيد حدة الخلاف و تاخذ شماغك و عيالك و تروح لبيت اهلك
و تصلح أمك ما بينكم و ترجع الحياة مثل أول.
لا لا لا لا لا لا لا لا لا لا وألف مليون لا
انا انتحر احسن لي
ماني قادر اكمل
هل يا شباب تخيلتوا في يوم إنكم تقولون : واي واي يهبل
انا رايح انتحر احسن لي
بس المشكلة أخاف أموت :p
منقوول تحيااتوو