بيت عرسان برنامج لتدريب الشباب على العلاقات الأسرية الناجحة

[* مــلاكـ *]

مجموعة من الشباب.. البرنامج اللي اختارهم مو اهم اللي طلبوا المشاركة فيه..وخاصة ان كلهم جامعيين و وايد من البنات يتمنونهم ومايحتاجون لبرنامج عشان يختارون الزوجة.. فالبداية ما اقتعوا لان تلفزيون واقع بس بعد ما اتعرفوا على فكرة البرنامج عدل قبلوا المشاركة فيه..

غاية البرنامج وهي تثقيف الناس عن الزواج وتوعيتهم خلال المحاضرات والنقاشات اللي اييبونها.. والضيوف مشايخ ودكاترة..

وغير جذي ان الاموال اللي يجنونها من رسائل الاس ام اس بتكون من ضمن الاموال اللي يجمعونها لدفع تكاليف زواج الآلاف العاجزين و اللي بيدفعونها حقهم بعد دراسات على احوالهم..

يعني بيجمع حسنات على عكس البرامج الثانية..

وصح ان المشتركين لهم حرية الاختيار اذا ارادوا الزواج عن طريق طلب اهالي الفتيات بالبرنامج.. بس اغلب او يمكن كلهم ما حبوا هالفكرة وبيتزوجون برغبتهم وبطريقة اللي يبونها..

آخر مشترك اللي بيبقى راح يربح نصف مليون الى جانب بعض الجوائز من شخصيات بارزة فالخليج..

وهذي هي فكرة البرنامج


الف شكر

[* مــلاكـ *]

فكرة البرنامج تعد فكرة ذكية بأن تطرح أفكار توعوية في اطار تلفزيون الواقع. نعم هناك برامج دينيه كثيرة في محطاتنا الفضائية، ولكنها لاتجذب شريحة لايستهان بها من الشباب لذا فطرح القضايا الاجتماعيه على يد مشايخ معروفين من خلال تلفزيون الواقع يعد عامل جذب لمجموعة كبيرة من الفئات الشبابية، 000


لاكن لااعتقد انه تناسب مجتمعنا وعاداتنا وتقاليدنا000

لان لو فكرت ان اخوي او قريب لي يشارك بالبرنامج 00 استنكر ت الفكره وانتقدته 0

وانا اراهم في بعض الاحيان للتسليه فقط 0000 راي شخصي

[يوسف]

مشكوره ملاكـ
علي الطرح

والزواج يعتبر ستر واستقرار خصوصا في مجتمعاتنا الاسلاميه
عسي الله يوفق من ينوي الزواج

لاتحرمينا

[دلوعة المنتدي]

اول شي تسلمين ملا على موضوعج
حلوة فكرة البرنامج كتلفزيون واقع وانا اشوفهم مرات لمن اقعد واغير بالقنوات
فالاقي عندهم مشايخ يعلمونهم عن الزواج يقولون لهم قصص يعلمونهم الرياضة جم مرة وانا احطه اشوف عندهم مدرب يعلمهم الرياضة

حلوة فكرة البرنامج مومثل باقي برامج تلفزيون الواقع مثل ستار اكاديمي وبرنامج الازياء وغيره اللي بس الهدف منه الربح المادي مومهتمين للنتايج السلبية لمثل هذي البرامج اللي تنتج عن جيل فاسد غير مبال للقيم الاسلامية اللي تربينا عليها

صج فكرته غريبة وعلى قولتج لو في احد من اهلج بيروح يقدم عليه استغربتي بس انا اشوف انها فكرة حلوة
الهدف منها جمع راسين بالحلال


شكرا لج
سارونة

[* مــلاكـ *]

يسلمو سارونة على روعة الرد لكن احب اقول
البرنامج مستنسخ بطريقة أو بأخرى من برامج الواقع الغريبة ولكن مضاف عليه نكهة وصبغة دينية علشان ماحد ينتقده..؟ لكنه وبصراحه برنامج لايناسب مجتمعنا العربي والخليجي خصوصا..

[*& الـعنيده &*]

انا مع اختي ملاك
البرنامج يهدف للربح مهما كان
ولكن فرقه عن البرامج الأخرى
ان ربح فيه حلال بنوع ماا

اهو كفكره جميله جدا وراقيه ولكن كتفيذ فااشل جدا
ما ادري شنو الهدف بالضبظ من التصويت
والناس الي راح تصوت ما راح تصوت لأفعال المشتركين
لا علي هذا حلوو هذا ما من جماعتنا او هذا من جنسيت بلدي
>> التصويت عامة في نوع من انواع التفرقه <<

وفكرة البرنامج حلوه
ان يشجعون الشباب علي الزواج
ويعلمونهم امو دينهم وطريقه الحياة الأسريه
وتربية الأولاد التربيه الصالحه
وشلون يمسكون نفسهم حزة الغضب

>>> هذي الفكره

لكن التطبيق غلط
مجمعين شباب
وتاركينهم هدد
وتصير حلقات نقااش
>> إهي حلوه هالحلقات ونقاشات ممتازه
لكن كل هذا يكون أراء المشتركين
يعني صار الموضوع طرح فكر

يعني لو يعيدون تنسيق البرنامج واايد احس
الفكره موجوده وحلوه
بس التطبييق غلط

ويسلموو ملاك علي الموضوع والمناقشه الحلوه
:)

[* مــلاكـ *]

يعني لو يعيدون تنسيق البرنامج واايد احس
الفكره موجوده وحلوه
بس التطبييق غلط


والله كلامج عدل الفكرة
موجوودة بس تطبيقهم غلط
لو يصيرتطبيق مضبوط وصح
جان نجح البرنامج


يسلموووووووو حبيبتي على تواصلج وردج الحلو