حقوق المرأه السياسيه ؟؟؟؟

[يوسف]

نلاحظ في وسائل الاعلام المختلفه هناك تركيز علي موضوع الحقوق السياسيه للمرأه الكويتيه

فهناك المعارض والمؤيد وذلك من خلال الاستبيانات المتوفره في انحاء الكويت من جرائد ومجلات

او اشخاص انتشروا باروقه المجمعات التجاريه والاسواق المركزيه

فهناك الرافض والمؤيد لهذة الحقوق في وسط الشارع الكويتي

القصد من طرح مثل هذا الموضوع هو اخذ رايك بالدرجه الاولي

وهل انت معارض او مؤيد مع اضافه الملاحظات التي تشهادها مهمه برايك

وهل سوف تدخل المرأه مجلس 2007 ام لا

بانتظار اقتراحاتكم سواء اعضاء او عضوات

يوسف

[صمت الوداع]

مشكور اخوي على طرح هذا الموضوع الجميل

واللي يحتاج فعلا الي نقاش جاد

بصراحه انا ارفض ان المرأه تدخل مجال السياسه
وذلك لاسباب عديده وومنها

ان الدين الاسلامي لم يسمح للمرأه بالاختلاط بالرجال
وذلك للحفاظ على كرامتها وليبعدها عن نظرات الرجال

واحب ان اقوول امر وارجوا من العضوات ان لايتضاايقوا لانه كلام واقعي جدا
ان المرأه تغلب عليها العاطفه اما الرجل يفكر بعقله
لهذا قالوا على المرأه ناقصة عقل لانها عاطفيه بحد ذاتها
وهذا امر رباني ليس عليه اعتراض

وبصراحه اذا المرأه اخذت حقوقها السياسيه راح العالم بشربة مووويه
وخرب العالم
لانها تطالب بحقوق سياسيه ولكنها لم تطالب بحقوقها كمرأه مسلمه عفيفه

واللي تطالب بحقوقها السياسيه
بعتقادي انها امرأه تطلب المساواه بالرجل وهذا شي مستحيل يصير
وهذي يطلق عليها بمرأه تافهه جدا

هذي هي وجهة نظري لحقوق المرأ السياسيه واتمني انها ماتحصل على حقوقها السياسيه


وخلي السياسه لاصحابها

مدري ليه الحريم يحشرووون نفسهم بكل شي

يبون كل شي موباقي غير انهم يطالبوا الرجال انهم يقعدون بالبيت وهي تشتغل

دمت بود اخوي الكرريم

[M!$S kaY]

مشكور اخوي على طرحك لهذا الموضوع
انا اييد ان المراه تنتخب اما ترشح فلا
:)
ثانكس مره ثانيه

[صحاري الروح]

اشكرك كل الشكر اخوي يوسف اتحت لنا الفرصه لتعبير عن ارائنا في حقوق المرأه
في ايام الثانويه كنت من مؤيدي المرأه وكنت اطمح لخوض تجربه الترشيح
وياخذني الحماس في هالجانب بس لماا كبرت اشوي ودشينا الكليه وفهمنا الدنيا عدل
اكتشفت انه من الغباء اني فكرت في هذا الحق.... البعض منكم مؤيد لحقوقهاا وتستشهدون على ذللك بالغرب
احب ابين لكم نقطه بسيطه الغرب غير وااقعنا كمجتمع كويتي غير .. اهم عندهم مدارس داخليه اتعلم اعيالهم كل شي
تتكفل بالتربيه والتعليم... يعني اتربيهم على منهج علمي.. اما احناا منو بيربيه اذا الام عضوه والاب عضو
هذا جانب ,,

والجانب الثاني انه المرأه مزاجيه يتحكم فيهاا عواطفهاا واهواائهاا اذاا حبتك عيني ماضامك الدهر
واذا موااعااجبتني الله يعينج علي
ابسط شي مجتمع المدرسه بنات اتلاقي مشاكل مالها اول ولا اخر لانه مديرتهم امرأه قد ينقصهاا الحزم في الضبط
وقد ينقصها اللين((( تخيلو نوريه الصبيح صارت عضوه في البرلمان ومسكوها حقيبه وزاره التربيه تدرون شراح يصير
عطله الصيف راح اتكون اربعين يوم فقط والدوام الرسمي لين الساعه 3)) هههههه الله يعيني عليهم مو تقلزن مااندري هذا قراررها وصدقوني راح اتنفذه؟؟
المرأه تحتاج لراي الرجل مهما كان الامر بسيط اتحس بحمايه فماباللك في قراررات اتهم دوله وشعب

الاولى بتللك المراه ان تربي اعيالهاا وتنشأهم النشئه الصحيه ليكونو اعضاء الغد وبذللك اتكون حققت ذاتها برتقاء اولادها
انا مااقول قعدي في البيت لا انا اؤيد انها تشتغل وتعمل وتكمل دراستهاا بس مؤيد انهاا اتكون عضوه في البرلمان
لاننا رااح نكون اضحوكه.... بالنزاعات



هذا من وجه نظري الشخصيه ؟؟

انا لم اتكلم في وجه نظر الدين والشرع؟؟؟ لاني قد اكون جاهله في امور اخلي اهل الدين يتكلمون عنهاا



كل تقديري وارج تتقبلون راي

واختلاف في الرأي لايفسد للود قضيه

وانشالله ماتوصل الي مجلس الامه

[يوسف]

صمت الوداع

مس

صحاري الروح


تعليقات وردود روعه

ولاكن ابي باقي الاعضاء تشارك وتبدي ارائها

بانتظار مشاركات باقي الاعضاء

[كوبرا سنتر]

اول شي نحن نعارض او نؤيد اصواتنا كأصوات النمل لايوجد من يسمعنا ولكن كل واحد يبدي رئيه , انا طبعا مؤيد ومعارض.

يعني اذا حقوق المرأه مسموحه شرعا ومفيده للمصلحه العامه انا اؤايد حقوق المرأه


ولكن اذا هي منافيا لشرع وغيرفعاله وغير مفيده انا ضد حقوق المرأه

.



تعليق بسيط على الاخت صمت الوداع . كلامج صحيح ولكن الاختلاط موجود بكل وزاره بالكويت ....


.. رئيي ان لا مانع من ترشيح المرأه وانتخابها لئن المرأه موجوده بكل مكان بالدوله الترشيح والانتخاب

تعتبر حق مدني تستطيع المرأه ان تفعله ليس هو عمل عسكري او عمل يتطلب جهد شاق لاتتحمله المرأه

المرأه في بعض الدول حاكمه وفي بعض الدول وزيره ونائبه ولكن صدقوني ان المبرر لمحاربة المرأه

ليس امر ديني لئنك سمحة للمرأه تقود السياره وسمحة للمرأه بالاختلاط ( بالجامعه وكل وزارات الدوله )

وسمحة للمرأه السفر لوحدها من غير محرم يعني انت في دوله ديمقراطيه دوله غير مقيده بالشريعه الاسلاميه

كيف تريد ان تمنع المرأه ...




وانا ضد حقوق المرأه . لئن المرأه .. تميل الى عواطفها اكثر من الرجل وأن الدين لايولي امرأه على الرجال

وان المرأه ناقصة عقل ودين . والمرأه يجب ان تكون في بيتيه وان تتفرغ لزوجها ورعاية ابنائها ..

ورجال الدين يعارضون حقوق المرأه لئنه لايجوز شرعا ..

انظرو الى الاراء جميعها مختلفه ومن شخص واحد ونستطيع القول ان جميعها صحيحه ولكن يوجد امر وهو
اذا كانت الدوله قائمه على الشريعه الاسلاميه فالتطبق الشرع على كل الامور ...

اما اذا كانت الدوله دستوريه وتقوم على قانون الدستور فعليها تكميل دستورها يعني الاختلاط بالوزارات والجامعه

يجوز وحقوق المرأه لاتجوز !!!!!

الكلام الذي كتبته مجرد رئي .



اللهم اجعل الكويت بلد امن وامان اللهم واكفنا شر العلمانين والملحدين

[Nicolas Cage]

يسلموووو على الموضوع
وتسلم ايدك

[السنافي]

انا بتكلم بكل صراحه

الحرمه ماتصلح تعمل شي كود البيت والمطبخ

شوفي المدرسات الحين والله الطلبه يروح ويجي من المدرسه

مايعرف وين مدحج راسه

هذا لانه الحين يدرسونهم مدرسات ؟؟؟؟؟؟؟

الطلبه برابعه ابتدائي مايعرف يقراء ويكتب هذا لانه مدرسته كله معتذره ولا طبيه ولا عرضي ولا وضع ولا امومه ولا ولا

الطالب تتغير مدرسه الماده خلال الفصل الدراسي 10 مرات والسبه الاعذار

وكل يوم تطلب من اولياء الامور طلبات مالها بدايه ولا نهايه نبي نبي نبي وكله علشان ترضي موجهتها ؟؟؟؟

وكله علي حساب اولياء الامور حرام والله حرام

كان قبل الحرمه مالها الا بيتها وكانت الاجيال فاهمه ومتربيه

لاكن بوقتنا هذا اختلف الوضع فالحرمه تبحث عن الماده والمعاش هذا همها موب بيتها وتربيه اعيالها

براي الحرمه المربيه اعيالها احسن ماتبحث عن الوظايف والمردود المادي اللي تصرفه علي كشختها وبس

شوفوا امهاتكم قبل احسن منكم الحين علما انها جاهله ولا كانت متعلمه وكانت تربيتها افضل من اي حرمه متعلمه

والمجتمع امامكم شوفي الامثله الحيه كثيره

هذي وجه نظر تزعل البعض وترضي البعض

انتم طلبتم وجه النظر وانا قلت

[صحاري الروح]

رايك اخوي سنافي على العين والراس

بس فيه اجحاف في حقنا


اذا بنحط مقارنه مابين امهاتنا وبايناا فااعتقد هم الرجال اختلفو يعني
الرجل الحين ماايقدر يتحمل مسؤليه ماهمه الا نفسه بعكس اول كان هو الرجال الامر الناهي

يعني الكل تغير بتغير الزمن والوقت والمستوى المعيشي
اما بالنسبه لطرح انه المدرسات .... ماايدرسون بضمير.....فهم المدرسين من الرجال ماايدرسون
وكله استئذانات.. ولا يوقع ويمشي.. انا لاؤؤيد انه المدرسات يدرسون الاولاد لسبب.... لانه الصبي يبي حزم اكثر
وولانه في هالمرحله العمريه يحتاج انه تتكون شخصيه الرجل في ذاته.. ولازم انه انعززهاا مو لانه المدرسات ماايدرسون عدل لاعكس المدرسات اهم اقدر على التعليم

ورأي حضرتك انه المرأه افضل لها بيتها اعترض معاك لانه اهي انسانه تبي اتحقق ذاتها بتعليمها وضيفتها
ومايمنع انها اتربي عيالها احسن تربيه.... علما باني ضد دخول المرأه للبرلمان
اما بالنسبه انه همها المال .... كل واحد يتوضف اكيد راح يااخذ مردود مادي على جهده وتعبه
يعني موهمها المال بدرجه الاولى بقدر مايهمهاا تحقيق ذاتها
مع العلم
انه اغلب شباب الوقت اذا فكر بزواج يفكر في وحده موظفه
عشان اهي تتحمل المسؤليه... ماادري منو همه المال احنا ولا انتو ؟؟؟؟
المرأه نصف المجتمع... لا تنزل من قدرها مهما يكون

اكرر واعيد اني انا ضد دخولها للبرلمان لانه لها اوليات اهم من دخولها المجال السياسي

تقديري لكم واعذروني على المداخله

[فــرح]

بكل تأكيد اؤيد حقوق المرأه السياسيه

المرأه الكويتيه تستحق انها اتخوض هالمجال وبجداره
لانها تمتلك القدرات الهائله
وفي وقتنا الحالي المرأه اهي تقوم بعمال الرجل في المنزل
يعني عندها القدره على تحمل المسؤاليه




والكلام في هالمجال واسع ومتشعب

فيض التحايا

فــرح

[يوسف]

كوبرا سنتر

حبيت اسلم

السنافي

صحاري الروح

فرح

ان اختلاف الاراء شي طبيعي فهناك المويد وهناك المعارض

وكذلك اتمني من باقي الاعضاء ان يشاركوا علي الموضوع لتبين

وجهات النظر المختلفه لكي يتسني لنا طرح راينا بنهايه الردود


يوسف