شنو افضل عقاب لطفل يحتاج لتأديب

[الصعبه]

شنو افضل عقاب لطفل يحتاج لتأديب


>

>


>

لمن طفل يرتكب غلط

مثلا يغلط على شخص اكبر منه
او يقول الفاظ ممنوعه
او ما يحترم الي اكبر منه

او ما يسمع الكلام
ويعاند

شنو افضل عقاب له ؟؟


بعض الاهالي في هذي المواقف يلقون الضرب اهي افضل وسيله لتأديب خصوصا اذا ما نفع النصح

ملاحظه>>ا(حنا ما نقصد الاهالي الي يستخدمون الضرب في كل الاوقات)

انتو شنو رايكم في هذي المواقف شنو
تسون

اتأيدون الضرب في هذي المواقف
ولا عندكم طريقه احسن
ومتى تعتقدون ان الضرب لازم يستخدم؟

اتمنا من الكل يشارك في الموضوع

[قعنبه]

مرحبا


من ناحيتي انك تربطين الولد وتعلقينه بأذنه في المرحه وشغليها على رقم واحد


صدقيني بعدها مايسووي شي العقاب هذا مسوويه فيني ابووي عشانه كان يحبني وخايف علي




عزيزتي من ناحية العقاب,العقاب أنواع فيه حسي ومعنوي

بمعنى جسدي ونفسي

ودائما النفسي يأتي بثماره لكن إذا أكثرت منه قد ينتج ضرر جسيم

أما العقاب الجسدي فهو لمن يحسن الضرب جيد

فعضنا لا يعرف كيف يضرب فبعضهم بالوجه وهذا نهانا عنه الرسول صلى الله عليه وسلم

انا من ناحيتي أفضل العذاب النفسي وخاصة بين الأخوان أو الأقران وتكون بالمال

لكن ليس دائما

الله يهديك يالصعبة ذكرتيني ماتمر ساعتين الأ أنطق\

شكرا لك

[الصعبه]

ههههههههههههههههههههههههههههههههههه

الله يعينك والله

الظاهر كنت مشاغب حيييييل

عدل كلامك

بس انا ما اعترف بالعقاب الجسدي

ولا العقاب النفسي الي ممكن يسبب مشاكل نفسيه للطفل



واعارض هذي الانواع من العقاب

خصوصا لانها تولد ذكريات مؤلمه

وبالنسبه لاستخدام المال كوسيله للتأديب

انا اعتقد انها احتمال كبير توصل رساله غلط للطفل

اهو جذي بيصير مؤدب عشان الفلوس مو عشان هذاك اكبر منه ولازم يحترمه

>>>يعني يصير مصلحجي

واذا مافي فلووس ماراح يحترم احد

ويعطيك العافيه على المشاركه وابداء رايك

[قعنبه]

ههههههههههههههه

المصلحة أصبحنا نزرعها في أبنائنا

وكيف تريدين أب ينتج وهو مستهلك

اذا اصبح الأب لايحترم من أمامه

ركب في السيارة أمال عليه أحد ساقين فثار هائجا فقال (................. امك)

تمنى شي ولم يجده قال (............... ابوك)

كيف تريدين أبن يرى ابيه يفعل هذا ويستقيم

انت تناقضين نفسك

تتكلمين عن العقاب وتقولين أرفضه

يقال إذا أمن العقاب أساء الأدب

إذ لم يعقاب تأكدي أنه سيماطل في الإساءة


ملاحظة
بالعكس تصدقين اذا جلسنا في الاستراحة نجلس نتذكر

طفولتنا المشؤومه ونضحك عليه

كم مره ضربت ولماذا

بس تظل ذكرى حلوه

[الصعبه]

اولا انا طرحت الموضوع لمناقشة افضل طريقه لمعاقبة الطفل


بس في بعض انواع العقابات انا ما ايدها



خصوصا لان الناس صارت تبالغ فيها

وتستخدمها من غير تفكير

المفروض يكون الغرض من العاقب
يخلي الطفل يفكر بالغلط الي ارتكبه
مو شغله بالبكاء والخوف ولا شغله بالفلوس

بالطريقه هذي انت زرعت فيه خوف ورهبه
او حتى يمكن تزرع في قلبه غيره لمن تعطي اخوه ولا قريب له
فلوووس واهو ما تعطيه جذي يشغل باله الغيره

بدال لا تشغله بسبب العقاب


ومو كل الاطفال مثل الشي
نسبة الحساسيه تختلف من طفل لي اخر
مو كلهم يقدرون يتحمولون العقوبات القاسيه

[دعاني الشوق]

بصرااحه


في طرق الجسديه وفي الحرمااان


وانا افضل العقااب الحرماان

ولان الجسديه تخلي الطفل يكره الوالدين


مثاال :- يعني تحرمين الوالد من شي يحبه

يعني يحب يلعب مع شبااب كووره وجذي

تحرمينا منه ع شااان يتأدب


وتسلمين يالصعبه

ع الموووضوع

الي يتسااهل المنااقشه

تحياتي

[مريوومه]

يسلمووو على الموضوع ^_^ واعتقد ان كل شي اذا زاد عن حده ينقلب ضده سواء كان بالضرب او العقاب لازم
يكون في شوية تنطيش على الامور الصغيره الي ممكن الواحد يتكلم فيها مع اليهال واحنا اهلينا الله يهداهم على كل شي يطقون واذا ماطقو عاقبو لازم يراعون نفسية الياهل والانسان يغلط ورنا يسامحنا واحنا يا البشر مانقدر نطوف شوي ونسامح وشكرااااان ^_^ :confused:

[الصعبه]

لا تحرمنا من جديدكيعطيك العافيه دعاني الشوق على المناقشه

وعقاب الحرمان يجيب النتيجه المطلوبه

لان تخلي الطفل يفكر بالسبب الي خلاه ينحرم من الشي الي يحبه

بس لازم تكون فترة الحرمان مناسبه للغلط الي ارتكبه

يعني مثل ينحرم يوم من التلفزيون لانه ما رد على الي اكبر منه

او ينحرم يومين من الكوره اذا غلط على الي اكبر منه


عشان اذا الطفل فكر يسوي شي غلط بيحاتي شنو راح تكون العقوبه و مده العقوبه

مو يقوول لا عادي كلها يومين ولا ساعه وخلاص

ينتهي العقاب

لازم يكون غير متوقع ومناسب للغلط وسن الطفل




ووهذي طريقه ايجابيه اذا تم استخدامها بالطريقه الصحيحه
وما تسبب اي مضاعفات نفسيه على الطفل


تسلم دعاني الشووق على المشاركه الرائعه لا تحرمنا من افكارك

[الصعبه]

عدل كلامج ميرومه

وهذا السبب الي خلاني اطرح الموضوع

المبالغه و سوء التقدير ممن الاهالي

اي غلط تكفخ الولد مهما كان نوع الغلط

الحين محد قام يستخدم عقله

قبل الناس تبتدع بانواع عقابات
اذا ما نفع النصح جربو العقاب
واذا ما نفع العقاب يفكرون بشي جديد وغريب
كانو يوهقون اعيالهم في مواقف
تخليهم يفكرون بالغلط الي سووه
لدرجه انه يضحك ويحس بغلطته
وبعد هالموقف الي صارله
يمكن اتغير شخصيت الولد للاحسن
ويصير مثال للاخلاق

بس الحين مافي

بدال لا يستخدمون عقولهم
صارو يستخدمو الي فوق عقولهم(العقال)

تسلمين مريومه على المشاركه

لاتحرمينا من مشاركتج

[جــودي]

الصعبه انا معاج بالحجى اللى تقولينه

بس حاليا عبالهم كل شئ بالطق يفيد
ومفروض محد يطق الطفل
لان الطفل عنده ذاكره قويه ويمكن يحقد ويشيل بقلبه
وينطر باليوم اللى يكبر فيه ويرد هالشي بس طريقه ثانيه
يعنى اتوقع في حل بس غير العقاب بالطق بذات


ويعطيج الف عافيه

[الصعبه]

عدل كلامج

وانا وحده من بنات خالتي
كانت قاعده اتفرج على التلفزيووون
او شي قريب منه
وجا ولد خالتها صغير بس راسه يابس
وغثهاااا وعطته هذاااك الطراااق
وبعدها داسة في بطنه
وانا مصوره اللقطه
الله يستر عليها
اذا بيرد لها الطراقات الي اخذها

[جــودي]

ههههههههههههههههههههههههههههههه
الله العالم شبيصير لها
ههههههههههههههههههههههه
ضحكتيني والله
مو اقول لج في ردود لج تضحكنى
هههههههههههه
تسلميين

[الصعبه]

دوووم الضحكه

هذا وانا قتلج على السالفه

متي من الضحك

عيل لو تشوفين الفيديو شنو بيصير فيج

؟


الله يسلمج

[جــودي]

لا مابي اشوفه
يكفي ضحكت اهنى بس خلاص
هههههههههههههههههههههههههه

[الصعبه]

اقوووول عاد ترى خربتي الموووضوع

بس خلاص

[جــودي]

اوكي
اسفيييييييييييييييييييييييييييين

[قعنبه]

مرحبا

عزيزتي اسمحيلي عدت وقد يكون العود أحمد

أعذريني أن أقول ماكتبت ينقصه الكثير

أولا لطرح مسألة ما وأنت تريدينها من جهة واحده

لابد لك أنت تطرحينها ولا تتركين الموضوع مبهم

فمثلا عندما تكتب بحث أو مقالا فلا تكتب الموضوع مبهم

سأضرب لك مثالا لو كان موضوع بحثك أو مقالك عن زهير بن أبي سلمى

لو قلتي شعر زهير بن أبي سلمى ,سيكون الموضوع شاملا

لكن لو كنتي حددتي مثلا وصف الحيوان في شعر زهير بن أبي سلمى

لو حددتي أكثر وقلتي وصف الناقة في شعر زهير بن أبي سلمى لكان واضحا دالا على ماتريدين

قلتي أنتشنو أفضل عقاب لطفل

ثم كتبي في وسط موضوعك

لمن طفل يرتكب غلط

مثلا يغلط على شخص اكبر منه
او يقول الفاظ ممنوعه
او ما يحترم الي اكبر منه

او ما يسمع الكلام
ويعاند

شنو افضل عقاب له ؟؟

أعتقد أن ماذكرتيه امثله ويندرج تحت عدم الإحترام

لو لاحظنا أن القرأن وقائلة الله سبحانه وتعالى حدد أكثر من عقاب لمرتكب الخطيئة

فمثلا في زمن موسى عليه السلام أمر لغفر خطيئة بني اسرائيل أن يقتلوا أنفسهم

وحدد في شريعتنا أن عقاب السارق القطع

وعقاب الزاني غير المحصن الجلد ,والمحصن الرجم حتى الموت . . . إلخ

فعندما تريدين أن تحددي عقاب لابد يكون مناسب لما يرتكب

فمثلا طفل سب ولعن وقد يكون من سيئته أنه يتلفظ بألفاظ بذيئة توجب على البالغ الجلد

لكن بما أنه طفل وغير مميز لابد من تفهيمه للموضوع

وعند تماديه لابد أن يكون عقابا رادعا شاملا

ولو مد يده على شخص أكبر منه قد يشتمل على أكثر من عقاب

قد يكون نفسيا جسديا ليتفهم عظم خطأه

وقد يشتمل الأمر هذا على ماعوده أبوه عليه

ويقول الشاعر :

وينشأ ناشئ الفتيان فينا*** على ماعوده أبوه



أتمنى أكون أوصلت لك فكرتي

شكرا لك

ودمتي

[الصعبه]

اخوي قعنبه

الموضووع واضح وانا كتبت من البدايه

ما هو افضل عقاب لطفل يحتاج لتأديب

واذا سألت نفسك من هو الطفل الذي يحتاج للتأديب

فتعرف الاجابه

وقد تكون مختلفه من شخص الا اخر

قد يفكر شخص بطفل كسر شيئا
او طفل لم يفعل ما طلب منه
او طفل لم يحترم الاكبر منه سناا
الخ.....

بعدين ذكرت ان بعض الاهالي يلقون ان الضرب اهو افضل حل بعد النصح في كل الحالات

وبعدها طلبت من الاعضاء ابداء ارائهم واذا عندهم فكره احسن من الضرب يقولونها


اعتقد ان واضح تماما


اما بالنسبه لكلامك
انا اعترض على مثال الي ذكرته
وما اعتقد ان هذا مكانه المناسب في الموضوع
هذي جرائم من الناس البالغه وفاهمه
هذا ريال فاهم وعارف حجم غلطته الي رتكبها
فشي طبيعي بيكون العقاب الجلد وولا الرجم للردع
مافي حل ثاني تقدر تستخدمه معاه


احنا قاعدين انتكلم عن اطفال
لهم عقليه معينه ما يعرفون يقدرون تصرفهم
يحتاجون من الكبار التوجيه
مو اعداء ولا ناس فاسده تحتاج الردع
ما ينفع معاهم الا الطق
فيه عندنا حلول وايد نقدر نستخدمها معاهم بعكس الناس البالغه
واذا ما نفع
نلجأ لاخر حل واهو الطق
بس هم بحدود معينه
مو يكفخ الولد ويجلده

[قعنبه]

مرحبا

عدنا والعود أحمد

عزيزتي أعتذر على التأخر برد

يقول الشاعر

إِذا كانَ رَبُّ البَيتِ بِالدُفِّ مولِعاً **** فَشيمَةُ أَهلِ البَيتِ كُلِهِمِ الرَقصُ

عقاب الأطفال يحتمل على نوع تربية الطفل من الأب

سأرفض لك مثالا ,كان لدينا جار ولا زال جارنا يرى أحد أبنائه فوق جدار بيت

أخر ,يقول له متسألا :ماذا تفعل ؟

أجاب الطفل بكل براءة سأخذ الكرة وأخرج

قال الأب خذها واخرج

الأ يستحق هذا الطفل العقاب , الأ يستحق توبيخه على مافعل

لأنه سيكبر ويكون لديه أن انتهاك عوراة الناس أمر سهل ويسير لأنه فعله ولم يوبخ عليه

لما تريد تحديد العقاب على شخص ما لا بد من النظر لفعلته لتقدير أضرارها وأبعادها

أما لو توبخ طفل وأبوه يفعل هذا قد يستعصي الطفل على فعل هذا الأمر

لدي ابن خال كان يشرب السجائر ولم يتعدى السابعة من عمر ,ضربه أبوه

ونهاهه عن التدخين , حتى وصل الأمر أنه ربطه في أحد جدران البيت بسلسلة من حديد

لأيام معدودات , لم يقلع عن التدخين واستمر إلى الأن وهو يدخن

عقاب جسدي لم يفيد وكان نفسيا بحرمانه من اللعب مع إخوته

لماذا لم يفيده العقاب ؟

لأنه يرى أبيه يفعل هذا ولم ينهاه أحد

دائما يقول لا تنصح وتنسى نفسك

لا يمكن تحديد عقاب لفعل أمر وجعله رادعا إلا إذا كنت قدوة لمن تعاقبهم

عزيزتي الاختلاف في الرأي لا يفسد في الود قضية

أرى أنا أن العقاب لابد أن يكون بعظم الجرم المرتكب

ذكرت لك الأمثلة لأشخاص بالغون لتقيسيه على فعل الأطفال


شكرا لك وتقبلي مودتي لك

[عشوووق]

مشكوووره الصعبه على الموضوع الحلووو