معاناة كوبرا سنتر * والي وراه هامور ماتوقفه اشارة مرور

[كوبرا سنتر]

طبعا الموضوع هذا كتبته انا في احد المنتديات الي اشارك فيها ولقيت عليه ردود بهتمام

وانا ماحبيت انقله لئي منتدى اخر لئني حسيت في بعض المنتديات ماكو عقليه سياسيه

او عقليه تجاريه ولكن والحمدالله رئيت في منتداكم هذا يوجد ناس لديهم ثقافه عاليه

وناس يستطيعون تكوين صوره واضحه للمواضيع وانشالله يعجبكم الموضوع لئن اخوكم كوبرا سنتر

عاش الموضوع هذا ...


..ــــ.ـ.ـ.ـ..ـ.ـ..ـ.ـ.ـ..ـ.ـ.ـ.ــ بسم الله الرحمن الرحيم ـ.ـ.ـ.ـ....ــــ.ـ..ـ.ـ.ـ..ـ..ــ..ـ


الفساد بالكويت ؟ الكثير منكم يستغرب حينما يقال ان في الكويت فساد ولكن هذه هي الحقيقه

الفساد موجود في كل المجتمعات ولكن في الكويت الدولة الغنية هذا شي غريب... الكل منى

ربما سمع عن الرشاوي الموجوده في الجمهوريه السوريه في كل مكان وفي المنافذ والجمارك

ولكن لانلوم شعب فقير الراتب لايتجاوز 12 دينار كويتي ولكن نأتي لدوله نفطيه اقل راتب

فيها 300دينار او 270 للاعزب والدوله الثانيه خليجي في مستوى المعيشي للفرد ويصل

بعض الرواتب الى اكثر من 1000 دينار ونجد..............موظفين كويتين يقبلون الرشاوي

(عيني عينك) ...... الموظف الكويتي يقبل من الغير كويتين مثل المصري والسوري

لانهم لايستطيعون ان يضروه والموظف العربي مثل السوري والمصري يقبل الرشوه

من الكويتين اوضح لكم هذه النقطه انتم تعرفون ان الكويتين والخليجين لهم قاعة مراجعات

منفرده والعرب والاجانب لهم قاعه اخرى تجد المسئول الذي يتقبل الكويتي والخليجي بن

جنسيه عربية غير خليجيه والعكس مع الاجانب... الكل منكم يستغرب ولا يصدق ""::::

انا عندما اقول هذا الكلام لا اقصد مثل: البطاقه المدنيه او الاسكان ولا اقصد التأمينات

ولا وزارة الداخليه : انا اقصد البلديه وجمارك المواني والتجاره انا اقول هذا الموضوع

من تجربتي الخاصه :: تقريبا قبل ثلاث ايام كنت في احد افرع بلدية الكويت وكانت

اوراقي كامله( ميه بالميه) ودخلة على موظف مصري وقالي (استنا اشويه) ونطرته

وانا قاعد اشوف الناس داخله طالعه والى داشين عليه صعايده وقعدهم عنده وجاي

وسوالف ومرة ساعه كامله ودشيت قلت يبا انا صارلي ساعه بره قالي بصوت عالي

انت (عايز ايه)... انا اهني فقد اعصابي وعفست المكتب عليه وطلعت ورحت ابي

اشتكي عليه ولقيت واحد من الربع وقلتله السالفه قالي اكيد ماعطيته افلوس

طالعته بستقراب قلت افلوس شنو يعني رسوم قعد يضحك قال لا حلاوه وعطيتها رفيجي

وخلصها لي عن طريقته انه موظف( شنو قال قال حلاوه) لعن الله الراشي والمرتشي

تدرون ان الموظف هذا المصري الي ياخذ رشاوي محد يقدر يشيله لان الي حاطه (هامور)

.......ـ.ـ..ـ.ـ.ـ..ـ.ـ.ـ.ـ..ـ.ـ.ـ..ـ.ـ.ـ.ـ.ـ


اكيد سمعتو عن الاعلان الي يقول( مانطرة واستفدة اكويتي طموح حقق مشروع صغير


مع الحافظه الحرفيه (البنك الصناعي) انا كل ماشوف الاعلان هذا اموت غهر لئني رحت

وجربت وحاولت ...لدرجة انني تناقشة مع المسئوله عن المحفظه الحرفيه واغنعتها

وسديت امامها جميع المحاولات لئقناعها بمشروعي ولكن بالاخير عرفت كل شي

تدرون شنو تبي المسئوله وانا كنت مثل (الخبل جدامها) المسئوله عرفت من احد الاشخاص

انها تبي 20 بالميه من الفلوس الي راح تعطيني للمشروع بشرط انها اتزود المبلغ

ولكن اي مشروع ابنيه برشوه ><اذا الاساس فاسد فالمشروع فاسد اي لقمه هنيئه

من ورى مشروع بدايته رشوه لعن الله الراشي والمرتشي..


الرشوه اصبحت حلاوه.. واصبحت هديه...


..ـ.ـ..ـ.ـ.ـ.ـ..ـ..ـ.ـ..ـ.ـ.ـ..ـ.ـ..ـ.ـ..ـ.ـ..ــــ ـــ.ـ.ـ.


الموضوع الاخير .ـ.ـ.ـ..ـ.ـ.



الكل يعرف حاضنة الشويخ الحرفيه ومكانها بالضبط امام معهد الشويخ الصناعي

هذه حاضنه يوجد فيها محلات تعطى لكل كويتي متخرج من المعهد التطبيقي

شروط هذه الحاضنه

1- ان تكون كويتي متخرج من المعهد التطبيقي من تخصص فني
2- اجار رمزي بسعر30 دينار بعد ثلاث اشهر من استلام الكراج
3- لايجوز وضع عماله غير كويتيه (يعني تشتغل انت بيدك
4- شرط ان تكون غير موظف ولاتتوظف طول عمرك



قلنا مايخالف ياحاظنه ماراح انتوظف ( بس قالو بعد سنتين نسحب المحل منكم قلنا هم مايخالف)

ياجماعه خذية محل لكن المشروع مو مناسب مايوكل عيش عرضة عليهم مشروع ومثل ماقال

المسئول هذا يطلع ذهب قلت انت قلتها بلسانك عطني المشروع هذا قال لا ومشروعك القديم

من ياخذه قلة انا مالي شغل فيه اي واحد ياخذه...قالولي خلاص انشوف وبعدين قالو لا

المشروع هذا مو من تخصصك قلت مايخالف وقلتلهم زين انا اقعد على مشروعي القديم بس

بجيب عامل هندي قالولي لالالا جني مسوي جريمه مايصير ممنوع...مليت وطلعة.....

ودقو علي بعدين وقالو تعال في تصوير تلفزيون الكويت قلت ماني جاي خلاص

قال تعال صور وبكيفك بعدين منت جاي مالنا شغل فيك مارحتلهم ..................



بعد شهر مريت عليهم من بعيد والا واحد ماخذ خمس كراجات وفاتح نشاط اصلا مو موجود

ومشغل خمس اهنود( ومتكي) ابيتهم ....الله اكبر وين الشروط الي مطبقينها علي

وبعدين عرفت ان وراه( هامور)........الي وراه هامور ...ومثل ماقال المثل الكوبري

(الي وراه هامور ماتوقفه اشارة مرور)

قلم:كوبرا سنتر





بعد ماقريتو الموضوع وتحسرتو واقولكم انا والحمدالله الحين مرتاح واسسة نفسي تجاريين وحطية

اسمي كتاجر ومع ان عمري صغير ولكن حتى الناس الي اكبر مني بعشرين سنه واكثر يستشيروني

بامور تجاريه طبعا خذية فكره تجاريه من السفرات التجاريه مثل دبي والصين وسنغافوره وانا انصح

الشباب الكويتين انهم ياسسون انفسهم وصدقوني كل كويتي يستطيع ان يكون تاجر ناجح من غير قروض

ربويه ولا سلفيات ولا الشغلات هذي من معاشه الشهري يقدر يسوي لنفسه قاعده ويبدأ منها وانا للحين

مو موظف ولاعندي معاش شهري ولكن مقبل على وظيفه واتمنى ان الموضوع كان خفيف عليكم لو انه يحر .

اخوكم الكوبرا سنتر

[فــرح]

والله يحز بالخاطر اللي حضرتك تتكلم عليه
ومعاك حق بالي قلته. عندنا فساد اداري
بشكل رهيب ؟ انا اعتقد كل واحد تالم من هذا الموضوع
اذا حضرتك مريت في هالتجربه ووضحت لنا انه في لكويت رشاوي
مااوقفت على الرشاوي بس حتى الواسطه والاوراق الي تمر من تحت الطاوله
كلها فساد

وعلى قولتك اذا اللي وراه هامور ماتوقفه اشاره مرور هههه

اذا بعض الهوامير صاارو جذي من البوق فمابالك بالانسان العادي
حاميها حرااميها



مشكورعلى المشاركه

فيض التحايا

فــرح

[صحاري الروح]

اشكرك اخوي كوبرا على طرحك للموضوع بشكل مميز وباااسلوب مشوق
الطامه الكبرى انه يكون الفساد الاداري والرشاوي واللعب في الاموال العامه
في دوله متوسط دخل الفردمرتفع جداا يعني مااكو داافع قوي للتقبل الرشااوي
الفساد الاداري منتشر بالكويت بشكل غير طبيعي
بكل مكان .. كنا نستغرب هالكلام انه يصير ونستبعد ونظن انها مجرد مبالغه

بس لما وعيت وكبرنا وعرفنا الامور عدل اكتشفنا هالشي المخجل جدا انه يكون بديرتنا
الحين حتى في بعض المدارس والي يفترض بها انها تعلم وتربي
رشاوي الامتيحانات

حسبي الله الي نفوسهم رديه انتشرو بشكل مو طبيعي



تقديري لك واعذرني على المداخله المتواضعه اخوي

[يوسف]

وانا انصح

الشباب الكويتين انهم ياسسون انفسهم وصدقوني كل كويتي يستطيع ان يكون تاجر ناجح من غير قروض

ربويه ولا سلفيات ولا الشغلات هذي من معاشه الشهري يقدر يسوي لنفسه قاعده ويبدأ منها وانا للحين

مو موظف ولاعندي معاش شهري ولكن مقبل على وظيفه واتمنى ان الموضوع كان خفيف عليكم لو انه يحر

==========

اخي العزيز كوبرا

ان لكل بلد طباعه ووسائل المعيشه تختلف من بلد لاخر

انا اشجع ان الفرد يعتمد علي نفسه ويكون كادح لاثبات

نفسه وان يبني مستقبله بيده ويكون عصامي سواء بالعمل

الحرفي او غيره .

لاكن الرشوه التي تم التطرق لها ليست بسائده اخي الكريم

وهذه حالات قد تعد علي الاصابع وليست منتشره كما اسلفت

الله يحفظ بلدنا من كل شر وان يجعل الكويت واحه امن وامان

[كوبرا سنتر]

اول شي اشكر الاخت فرح على المشاركه الطيبه وايضا الاخت صحاري الروح واشكر تقبلهم للموضوع ..

وشكر للاخ يوسف على المشاركه وانت لما اتقول ينعدون على الاصابع انا بوضحلك هم ماينعدون على الاصابع ولا هم

يمثلون نصف الشعب الكويتي هم قليل ولكن تواجدهم واضح وانا مثل ماقلت مو بكل وزاره في بعض الوزارات الي اتخص

التجار بالمعنى الاصح (الناس الدفيعه ) وشاكرلك على رائيك واحترامي وتقديري لك .

[القرصان]

شكرا كوبرا سنتر على الموضوع

فعلا الرشوه موجوده بالكويت

ولكن بقليل


وبالنسبه للواسطه

الله المستعان

وشكرا

[sandy baill]

اولا شكرا لك اخوي كوبرا

على طرحك للموضوع

ثانيا

حبيت اقولك ان هالسلوكيات لا تتعلق بدوله ما او بعصر او بجيل

انما هي سلوكيات فرديه من الفرد نفسه نتيجة ضعف ايمانه بالله وضعف نفسه حتى لو كان من اغنياء العالم


هالسلوكيات بالفعل وللاسف موجودة ولكن ولله الحمد هي اقليه يمارسها المستغلين واصحاب النفوس الدنيئه


ولا ينبغي ان نسلط كل الاضواء عليهم ،ونلهم الناس ان هذه سمات مجتمعنا ولم يعد هناك اشخااص شرفاء


ولا ينبغي ان نهملهم بنفس الوقت، بل نضع مجتمعنا على ميزان لان هناك من يستحقون ان نعتز بهم

ونكرمهم ليس ماديا ولكن معنويا ايضاا بان نسلط الضوء عليهم ،، ونثني على جهودهم واخلاصهم

حتى لا يكونوا جنودا مجهولين يعملوون ولا احد يقدرهم ،،وبهذه الطريقة سوف ينقرض كل ذي نفس ضعيفة

ويحذو حذو الشرفاء المخلصين،،شكرا لك وسوري على الاطاله

[كوبرا سنتر]

العفو اخوي القرصان وحياك الله وانا كما وضحت

الرشاوي مو قليله ولا هي كثيره يعني معدلها مرتفع بنسبه لدولتنا

ساندي بيل مشكوره على المشاركه وصح كلامج حنا بديره

فيها كل خير والحمدالله والله في ناس نعتز فيهم ولهم ايدي

بيضه ببعاد الفساد وفيه احد الاخوان وهو مسئول بوزارة

التجاره وهو من المحاربين لرشوه وكان يساعد الاشخاص

الذين يمتنعون عن دفع الرشاوي ولكن كان لديه شرط

انه لايساعد الناس الذين يريدون رخص لفتح مقهى(شيشه)

او فتح اي مشروع غير شرعي وهو رجل يستحق قيادة

الوزارة باكملها .. ومشكورين على المشاركات الحلوووه